A1KBCM Eimskipafelag Islands hf

Eimskip: Afkoma fyrsta ársfjórðungs 2025

Eimskip: Afkoma fyrsta ársfjórðungs 2025

HELSTU ATRIÐI Í AFKOMU FYRSTA ÁRSFJÓRÐUNGS 

Árstíðabundin sveifla í rekstri félagsins einkennir afkomu fyrsta ársfjórðungs sem þó batnar á milli ára.

  • Gott magn var í siglingarkerfinu á fjórðungnum sem óx um 6,6% en meðalflutningsverð voru óbreytt frá fyrra ári þrátt fyrir hækkun á verðum í Trans-Atlantic. 
  • Góð afkoma af alþjóðlegri flutningsmiðlun á fjórðungnum, þrátt fyrir minnkun á magni, sem byggðist á hagstæðri samsetningu verkefna.
  • Í annarri flutningatengdri þjónustu lækkaði afkoman á milli ára, meðal annars vegna minni nýtingar í frystigeymslum félagsins, lægri kvóta og lægri birgðastöðu viðskiptavina okkar.

Tekjur námu 200,3 milljónum evra og hækkuðu um 6,5 milljónir evra eða 3,4% samanborið við fyrsta ársfjórðung 2024.

Rekstrarkostnaður nam 185,0 milljónum evra og hækkaði um 5,4 milljónir evra eða 3,0% frá fyrra ári.

  • Launakostnaður jókst um 3,2 milljónir evra milli ára sem jafngildir 8,6% hækkun sem kemur að mestu til vegna kjarasamningsbundinna launahækkana. Starfsmannafjöldi hélst óbreyttur á milli ára.

EBITDA fjórðungsins nam 15,3 milljónum evra samanborið við 14,2 milljónir evra á sama tímabili 2024, sem er aukning um 7,7%. EBITDA hlutfall var 7,7% samanborið við 7,3% á sama fjórðungi fyrra árs.

Afkoma eftir skatta var neikvæð um 0,8 milljónir evra á fjórðungnum samanborið við jákvæða afkomu að fjárhæð 0,5 milljónir evra á sama tímabili í fyrra og skýrist breytingin helst af auknum afskriftum og lækkun afkomu hlutdeildarfélaga.

Sjóðstreymi frá rekstri á fjórðunginum var sterkt og nam um 16 milljónum evra en til samanburðar var það 2,7 milljónir evra á fyrsta ársfjórðungi 2024.

VILHELM MÁR ÞORSTEINSSON, FORSTJÓRI

„Fyrstu mánuðir ársins fóru nokkuð vel af stað en það var hóflegur vöxtur í EBITDA afkomu á fyrsta ársfjórðungi og nam hún 15,3m evra sem er aukning um 1,1m evra frá fyrra ári. Sögulega hefur fyrsti ársfjórðungur verið sá tími árs sem minnst umsvif eru í starfsemi félagsins og í ár bættust við kostnaðarsamar truflanir í rekstri vegna óvenju slæms veðurs á Norður-Atlantshafi en þó var 6,6% magnaukning í siglingarkerfinu. Hávær umræða hefur verið um nýja tollastefnu Bandaríkjanna og áhrif þeirra á fyrirtæki og hagkerfi heimsins. Þrátt fyrir óvissu sem þetta hefur skapað eru áhrifin á Eimskip enn sem komið er óveruleg.

Bætta afkomu af siglingarkerfinu má einna helst rekja til aukins magns og betri nýtingar ásamt því að kostnaður á hverja flutta einingu lækkaði lítillega. Hins vegar hafði breytt samsetning flutningsmagns áhrif á meðalflutningsverð, sem voru óbreytt á milli ára, þrátt fyrir hærri meðalverð í Trans-Atlantic flutningum. Þá erum við ánægð að sjá að breytingar sem voru gerðar á gámasiglingakerfinu á fyrsta ársfjórðungi síðasta árs hafa skilað sér í færri sigldum mílum og minni olíunotkun og vegur það upp á móti almennum kostnaðarverðhækkunum og verðbólguþrýstingi.

Afkoma alþjóðlegu flutningsmiðlunarinnar var með ágætum og hækkaði EBITDA í 2,5m evra úr 2,0m evra á síðasta ári þrátt fyrir 12% lækkun í magni. Minnkun í magni skýrist helst af þeim sviptingum sem hafa átt sér stað um þessar mundir á alþjóðlegum mörkuðum vegna yfirvofandi tolla til og frá Bandaríkjunum. Þá hefur einnig borið á skorti á gámum í Asíu hjá sumum af stóru alþjóðlegu skipafélögunum og truflunum í hafnarstarfsemi þeirra víðsvegar um heiminn sem hefur áhrif á þá þjónustu sem við veitum.

Í annarri flutningstengdri starfsemi voru umsvif nokkuð góð í landflutningum og hafnarstarfsemi á sama tíma og nýting í vöruhúsastarfsemi minnkaði á fjórðunginum vegna minni birgðahalds viðskiptavina á sjávarafurðum, sem litaði afkomu þessarar starfsemi.

Eins og önnur fyrirtæki í alþjóðlegum rekstri höfum við ekki farið varhluta af þeim áskorunum sem fylgja reglugerðarkröfum og vaxandi óvissu í alþjóðaviðskiptum. Við teljum varhugavert að eftir langt tímabil hárra vaxta og mikillar verðbólgu hér á landi sé nú verið að horfa til aukinnar skattbyrði á fyrirtæki og almenning.

Heilt yfir erum við nokkuð bjartsýn fyrir komandi mánuðum enda sjáum við venjubundnar árstíðarsveiflur í rekstrinum okkar þar sem annar og þriðji fjórðungur eru að jafnaði þeir umsvifamestu í starfseminni. Þá er sérstaða Eimskips á Norður-Atlantshafinu almennt þolnari gagnvart efnahagslegum sveiflum en hún byggir á heimamarkaði sem hefur á að skipa mjög inn- og útflutningsdrifnum hagkerfum sem treysta á sjóflutninga að megninu til og að sama skapi er áhersla félagsins í alþjóðlegu flutningsmiðlununni að þjónusta viðskiptavini í flutningum á ferskum og frosnum matvælum.“

KYNNINGARFUNDUR 14. MAÍ 2025

Kynningarfundur fyrir fjárfesta og markaðsaðila verður haldinn miðvikudaginn 14. maí kl. 8:30 í höfuðstöðvum félagsins Sundabakka 2, 2. hæð. Fundurinn verður einnig rafrænn og verður honum streymt beint á fjárfestasíðu Eimskips . Þar munu Vilhelm Már Þorsteinsson forstjóri og Rósa Guðmundsdóttir fjármálastjóri kynna uppgjör félagsins fyrir fyrsta ársfjórðung. Uppgjörsgögn og upptöku af fundinum verður einnig hægt að nálgast á fjárfestasíðunni.

FREKARI UPPLÝSINGAR

Rósa Guðmundsdóttir, fjármálastjóri, sími: 844 4776, netfang:



Guðbjörg Birna Björnsdóttir, forstöðumaður fjárstýringar og fjárfestatengsla, sími 844 4752, netfang:

TIL ATHUGUNAR FYRIR FJÁRFESTA

Eimskip vekur athygli á því að staðhæfingar sem finna má í þessari afkomutilkynningu kunna að vera byggðar á mati og áætlunum stjórnenda félagsins en ekki á staðreyndum sem hægt er að sannreyna við birtingu tilkynningarinnar. Eðli málsins samkvæmt fela slíkar staðhæfingar í sér óvissu. Athygli fjárfesta er vakin á því að margir þættir geta haft þau áhrif að rekstrarumhverfi félagsins og afkoma verði með öðrum hætti en forsendur gera ráð fyrir í tilkynningunni. Þessi tilkynning verður ekki endurskoðuð eftir birtingu hvað þetta varðar. Staðhæfingar sem finna má í þessari afkomutilkynningu gilda eingöngu á því tímamarki þegar tilkynningin er fyrst birt og takmarkast gildi þeirra við sem segir í fyrirvara þessum.

Viðhengi



EN
13/05/2025

Underlying

To request access to management, click here to engage with our
partner Phoenix-IR's CorporateAccessNetwork.com

Reports on Eimskipafelag Islands hf

 PRESS RELEASE

Eimskip: Updated Financial Calendar

Eimskip: Updated Financial Calendar Eimskip's Financial Calendar has been altered and the publication of Q3 results moved to 11 November 2025.  Other dates remain the same.  Second quarter 202526 August 2025Third quarter 202511 November 2025Management Financial Report Q4/FY 2025           3 February 2026Fourth quarter 2025, Consolidated Financial Statements & sustainability report3 March 2026Annual General Meeting 202626 March 2026 Financial results will be disclosed and published after market closing. Please note that dates are subject to change. For further information please c...

 PRESS RELEASE

Eimskip - Breytt fjárhagsdagatal

Eimskip - Breytt fjárhagsdagatal Fjárhagsdagatali Eimskips hefur verið breytt og uppgjör þriðja ársfjórðungs 2025 fært til 11. nóvember.  Aðrar dagsetningar haldast óbreyttar. Annar ársfjórðungur 202526. ágúst 2025Þriðji ársfjórðungur 202511. nóvember 2025Birting stjórnendauppgjörs fyrir árið 2025           3. febrúar 2026Fjórði ársfjórðungur 2025, ársuppgjör & sjálfbærniupplýsingar3. mars 2026Aðalfundur 202626. mars 2026 Fjárhagsupplýsingar verða birtar eftir lokun markaða. Dagsetningarnar eru birtar með fyrirvara um breytingar. Nánari upplýsingar veitir Guðbjörg Birna Björnsdót...

 PRESS RELEASE

Announcement from Eimskip

Announcement from Eimskip Today Eimskip received a notification from Alcoa Fjarðaál sf. informing that Alcoa intends to suspend the case against Eimskip next Tuesday 27 May before Reykjavík District Court. The summons claim was ISK 3,086,000,000, together with penal interests from 24 May 2024, against Eimskipafélag Ísland hf., Eimskip Ísland ehf., Samskip hf. og Samskip Holding B.V. in solidum, for Alcoa’s alleged loss, with reference to the subject matter of the Icelandic Competition Authority’s decision no. 33/2023, which concerned the period 2008-2013.  The financial claim of Alcoa wa...

 PRESS RELEASE

Tilkynning frá Eimskip

Tilkynning frá Eimskip Eimskip barst í dag tilkynning frá Alcoa Fjarðaáli sf. þar sem upplýst er að Alcoa áformi að fella niður skaðabótamál gegn Eimskip næsta þriðjudag 27. maí, við fyrirtöku í héraðsdómi Reykjavíkur. Í málinu var krafist skaðabóta að fjárhæð 3.086.000.000 króna, auk dráttarvaxta frá 24. maí 2024, óskipt úr hendi Eimskipafélags Íslands hf., Eimskip Ísland ehf., Samskipa hf. og Samskipa Holding B.V. vegna meints tjóns stefnanda af sakarefni ákvörðunar Samkeppniseftirlitsins nr. 33/2023, sem laut að árunum 2008-2013.  Fjárkrafa Alcoa byggði alfarið á minnisblaði ráðgjafaf...

 PRESS RELEASE

Eimskip: First quarter 2025 results

Eimskip: First quarter 2025 results HIGHLIGHTS OF Q1 2025 RESULTS  Seasonal fluctuations in the company's operations characterize the performance of the first quarter, which nevertheless improves year-on-year. Solid volume in the sailing system during the quarter, grew by 6.6%, while average freight rates remained unchanged from the previous year despite higher rates in Trans-Atlantic.The international freight forwarding performed well during the quarter, despite a decrease in volume, which was based on a favorable mix of projects.In other logistics services, activity decreased year-on-y...

ResearchPool Subscriptions

Get the most out of your insights

Get in touch