Leiðrétting: VÍS: Tilkynning um framkvæmd endurkaupaáætlunar – endurkaup hefjast
Í tilkynningu sem birt var í dag kl. 10:30:33 CET láðist að geta um hámarksfjárhæð endukaupanna, sem er kr. 1.800.000.000 að markaðsvirði. Tilkynningin leiðréttist hér með:
Á aðalfundi Vátryggingafélags Íslands hf. (VÍS) þann 17. mars 2022 var samþykkt að heimila stjórn, í þeim tilgangi að setja upp formlega endurkaupaáætlun, að kaupa á næstu 12 mánuðum allt að 10% af hlutafé félagsins.
Stjórn VÍS tók á grundvelli fyrrgreindrar samþykktar ákvörðun um framkvæmd endurkaupaáætlunar um kaup á eigin bréfum í þeim tilgangi að lækka útgefið hlutafé þess, sbr. tilkynningu frá félaginu þann 29. september sl. Félaginu hefur nú borist samþykki Fjármálaeftirlits Seðlabanka Íslands („Fjármálaeftirlitið“) og munu endurkaup hefjast þegar í stað.
Hámarksfjöldi hluta sem áætlunin kveður á um að verði keyptir eru 100.000.000 hlutir að nafnvirði, en það jafngildir um 5,71% af útgefnu hlutafé félagsins, sem er nú kr. 1.750.000.000 að nafnvirði. Fjárhæð endurkaupanna verður þó aldrei hærri en kr. 1.800.000.000 að markaðsvirði. Gert er ráð fyrir að endurkaupum samkvæmt áætluninni ljúki í síðasta lagi 1. febrúar 2023 eða fyrr ef skilyrði um hámarkskaup eru uppfyllt fyrir þá dagsetningu.
Verð fyrir hvern hlut skal að hámarki vera hæsta verð í síðustu óháðu viðskiptum eða hæsta fyrirliggjandi óháða kauptilboð í viðskiptakerfi Nasdaq Iceland, hvort sem er hærra. Hámarksmagn hvers viðskiptadags miðast við 25% af meðaldagsveltu undangenginna 20 viðskiptadaga, en þó aldrei hærra en 1.150.000 hlutir að nafnverði. Viðskipti félagsins með eigin hluti á grundvelli endurkaupaáætlunarinnar verða tilkynnt eigi síðar en við lok sjöunda viðskiptadags eftir að viðskiptin fara fram.
Framkvæmd endurkaupaáætlunar verður í samræmi við lög um hlutafélög nr. 2/1995, 5. gr. reglugerðar Evrópuþingsins og ráðsins (ESB) um markaðssvik nr. 596/2014, sem og framselda reglugerð framkvæmdastjórnarinnar 2016/1052, samanber lög um aðgerðir gegn markaðssvikum nr. 60/2021.
Endurkaupin verða framkvæmd af Acro verðbréfum hf. sem tekur allar viðskiptaákvarðanir er varða kaup á hlutum og tímasetningu kaupanna óháð félaginu.
Nánari upplýsingar veitir Erla Tryggvadóttir samskiptastjóri VÍS, í síma 660-5260 og með tölvupósti á
