Nasdaq Iceland samþykkir beiðni um að taka hlutabréf Alvotech til viðskipta á Aðalmarkaðnum
Nasdaq Iceland hefur samþykkt beiðni Alvotech S.A. (“Alvotech”, “félagið”) um að taka bréf félagsins til viðskipta á Aðalmarkaði Nasdaq Iceland. Bréf Alvotech verða tekin til viðskipta á Aðalmarkaðnum eftir að skráningarlýsing félagsins hefur verið flutt (e. passported) til Íslands. Bréf Alvotech verða tekin úr viðskiptum á First North markaðnum eftir lokun markaða, daginn fyrir upphaf viðskipta á Aðalmarkaðnum.
Viðskipti með bréf Alvotech hófust á Nasdaq markaðnum í Bandaríkjunum og á First North Growth markaðnum á Íslandi undir auðkenninu “ALVO”. Bréfin verða einnig skráð á Aðalmarkaðnum undir auðkenninu “ALVO”.
Alvotech tilkynni að stjórn félagsins hefði samþykkt áætlun um að færa viðskipti með bréf Alvotech af First North markaðnum yfir á Aðalmarkaðinn.
Um Alvotech
Alvotech, stofnað af Róberti Wessman stjórnarformanni fyrirtækisins, er líftæknifyrirtæki sem einbeitir sér að þróun og framleiðslu líftæknihliðstæðulyfja fyrir sjúklinga um allan heim. Alvotech stefnir að því að verða leiðandi fyrirtæki á sviði líftæknihliðstæðulyfja. Til að tryggja hámarksgæði eru allir þættir í þróun og framleiðslu í höndum fyrirtækisins. Alvotech vinnur að þróun átta líftæknilyfjahliðstæða sem nýst geta sjúklingum með sjálfsofnæmis-, augn- og öndunarfærasjúkdóma, beinþynningu eða krabbamein. Alvotech hefur gert samninga um sölu, markaðssetningu og dreifingu við samstarfsaðila á öllum helstu mörkuðum, í Bandaríkjunum, Evrópu, Japan, Kína, öðrum hlutum Asíu, Rómönsku-Ameríku, Afríku og Mið-Austurlöndum. Meðal samstarfsaðila Alvotech eru Teva Pharmaceuticals, dótturfélag Teva Pharmaceutical Industries Ltd. (markaðsaðili í Bandaríkjunum), STADA Arzneimittel AG (Evrópa), Fuji Pharma Co., Ltd (Japan), Cipla/Cipla Gulf/Cipla Med Pro (Ástralía, Nýja Sjáland, Afríka), JAMP Pharma Corporation (Kanada), Yangtze River Pharmaceutical (Group) Co., Ltd. (Kína), DKSH (Taívan, Hong Kong, Kambódía, Malasía, Singapore, Indonesía, Indland, Bangladess og Pakistan), YAS Holding LLC (Miðausturlönd og Norður Afríka), Abdi Ibrahim (Tyrkland), Kamada Ltd. (KMDA; Ísrael), Mega Labs, Stein, Libbs, Tuteur and Saval (Rómanska-Ameríka) og Lotus Pharmaceuticals Co., Ltd. (Taíland, Víetnam, Filippseyjar og Suður-Kórea).
Alvotech, fjárfestatengsl og samskiptasvið
Benedikt Stefánsson
