Leiðrétting: Hagar hf.: Útboð á víxlum 6. desember 2023

Í fréttatilkynningu sem birt var 30. nóvember sl. kom fram að þátttaka í útboðinu væri aðeins heimil fjárfestum sem teldust hæfir fjárfestar og hefðu verið flokkaðir sem fagfjárfestar eða teldust viðurkenndir gagnaðilar. Það á ekki við en útboðið er undanþegið gerð lýsingar á grundvelli stærðar nafnverðseiningar. Sjá leiðrétta tilkynningu fyrir neðan.

Hagar hf. efna til útboðs á víxlum miðvikudaginn 6. desember 2023. Boðnir verða til sölu víxlar í nýjum 6 mánaða flokki HAGA240612.

Fossar fjárfestingarbanki hf. hefur umsjón með útboðinu og kynningu þess fyrir hugsanlegum fjárfestum. Útboðið verður með hollenskri aðferð, þ.e. öll samþykkt tilboð bjóðast fjárfestum á hæstu flötu vöxtum sem tekið er. Víxlarnir eru gefnir út í 20 m.kr. nafnverðseiningum og sótt verður um skráningu þeirra í Kauphöll. Félagið áskilur sér rétt til þess að taka hvaða tilboði sem er eða hafna þeim öllum. Niðurstöður útboðsins verða birtar opinberlega eigi síðar en næsta virka dag eftir útboð.

Ekki er um almennt útboð að ræða og er útboðið undanþegið gerð lýsingar á grundvelli c og d-liðar, 4. mgr. 1. gr. reglugerðar Evrópusambandsins og ráðsins (ESB) nr. 2017/1129 um lýsingu sem birta skal þegar verðbréf eru boðin í almennu útboði eða tekin til viðskipta á skipulegum markaði og 1. mgr. 3. gr. laga nr. 14/2020 um sama efni. Grunnlýsing, endanlegir skilmálar og önnur skjöl er varða útgáfu víxlaflokksins og töku víxlanna til viðskipta í Kauphöll verða birt á vefsíðu félagsins: 

Skila skal inn tilboðum á netfangið fyrir klukkan 17:00 miðvikudaginn 6. desember 2023. Uppgjör viðskipta fer fram miðvikudaginn 13. desember 2023.

Nánari upplýsingar veita:

Ásgrímur Gunnarsson, Fossar fjárfestingarbanki, sími: 522 4000, 

Arnar Geir Sæmundsson, Fossar fjárfestingarbanki hf. 

Guðrún Eva Gunnarsdóttir, framkvæmdastjóri fjármálasviðs Haga,