REITIR: Útboð á skuldabréfum 9. nóvember 2022

Reitir fasteignafélag hf. efnir til útboðs á nýjum skuldabréfaflokki REITIR150524 og fer útboðið fram á morgun, miðvikudaginn 9. nóvember 2022.

Flokkurinn er óverðtryggður og veðtryggður með almennu tryggingafyrirkomulagi félagsins. Greiðslur vaxta fara fram á tveggja mánaða fresti, en allur höfuðstóll flokksins greiðist með einni greiðslu á lokagjalddaga hans þann 15. maí 2024. Óskað verður eftir því að flokkurinn verði tekinn til viðskipta á aðalmarkaði Nasdaq Iceland í kjölfar útgáfu hans.

Útboðið fer fram á föstum kjörum, og verður flokkurinn seldur á ávöxtunarkröfunni 7,6%. Félagið áskilur sér rétt til þess að taka hvaða tilboði sem er, í heild eða að hluta, eða hafna þeim öllum. Áætlaður uppgjörsdagur er þriðjudagurinn 15. nóvember 2022.

Útboðið er lokað og undanþegið gerð lýsingar, sbr. d-liður 4. mgr. 1. gr. reglugerðar (ESB) 2017/1129, sbr. lög nr. 14/2020. Grunnlýsing, endanlegir skilmálar og önnur skjöl er varða útgáfu framangreinds skuldabréfaflokks eru birt á vefsíðu félagsins, reitir.is/fjarfestar. Tilkynningar sem Reitir fasteignafélag hf. birtir í tengslum við viðvarandi upplýsingaskyldu frá birtingu grunnlýsingar má jafnframt nálgast á vefsíðu félagsins.

Íslandsbanki hefur umsjón með útgáfu og sölu skuldabréfanna sem og töku þeirra til viðskipta á aðalmarkaði Nasdaq Iceland.

Upplýsingar veita Einar Þorsteinsson, fjármálastjóri, , sími 669 4416 og Verðbréfamiðlun Íslandsbanka, .