REITIR: Úthlutun kauprétta

Stjórn Reita fasteignafélags hf. ákvað á fundi sínum í dag að veita kauprétti fyrir allt að 850.000 hlutum í félaginu  sem svarar til 0,12% af heildarhlutafé félagsins.  

Kaupréttir samkvæmt kaupréttaráætluninni ná til stjórnenda og annarra lykilstarfsmanna Reita og er markmið áætlunarinnar að samtvinna fjárhagslega hagsmuni stjórnenda og lykilstarfsmanna langtímahagsmunum eigenda félagsins. Skilmálar kaupréttarsamninga félagsins eru í samræmi við kaupréttaráætlun, sem samþykkt var á hluthafafundi félagsins þann 16. október 2024.

Nýtingarverð er 123,3 kr. fyrir hvern hlut, þ.e. vegið meðalverð í viðskiptum með hlutabréf félagsins fimm (5) viðskiptadögum fyrir gerð kaupréttarsamningsins, auk 5,5% árlegra vaxta frá gerð kaupréttarsamnings og fram að nýtingardegi.

Í kjölfar framangreindrar úthlutunar og breytinga á fyrri úthlutuðum kaupréttum nemur heildarfjöldi útistandandi kauprétta sem Reitir fasteignafélag hf. hefur veitt stjórnendum og lykilstarfsmönnum sínum samtals 6.436.086 hlutum eða um 0,92% af heildarhlutafé félagsins.

Nánari upplýsingar veitir Guðni Aðalsteinsson forstjóri,