Fly Play hf.: Fundarboð
Hluthafafundur Fly Play hf.
Stjórn Fly Play hf. boðar til hluthafafundar félagsins 15. ágúst 2025 kl. 16:00, á skrifstofu félagsins að Suðurlandsbraut 14, 108 Reykjavík.
Dagskrá fundarins:
- Tillaga um að veita stjórn félagsins heimild til að gefa út skuldabréf með breytirétti að upphaflegri höfuðstólsfjárhæð allt að kr. 2.425.000.000 og heimild stjórnar til að gefa út nýtt hlutafé að nafnverði allt kr. 3.500.000.000 til að mæta breytirétti skuldabréfaeigenda.
- Tillaga um breytingu á samþykktum félagsins í samræmi við framangreinda heimild.
- Önnur mál löglega fram borin
Þátttaka á fundinum verður bundin við þá sem mæta á staðinn.
Reglur um þátttöku og atkvæðagreiðslu á fundinum
Aðilar sem eru eignskráðir hluthafar í hlutaskrá skv. hluthafakerfi félagsins þegar fundurinn fer fram geta beitt réttindum sínum á fundinum. Uppgjör viðskipta hjá Nasdaq verðbréfamiðstöð er tveimur dögum eftir viðskiptin og því mælst til þess að síðasti viðskiptadagur sé þann 13. ágúst 2025 vilji hluthafi beita réttindum sínum á fundinum. Hluthafar sem ekki mæta á fundinn geta greitt atkvæði um dagskrárliði með bréfa atkvæði. Beiðni um að greiða atkvæði bréflega skal send eigi síðar en fimm dögum fyrir hluthafafund til .
Eitt atkvæði fylgir hverri krónu af hlutafé í félaginu. Hluthafi getur veitt umboðsmanni skriflegt umboð sem skal dagsett. Tekið skal fram að umboð getur aldrei gilt lengur en í eitt ár frá dagsetningu þess. Umboð má hvenær sem er afturkalla. Slík umboð skulu berast félaginu áður en hluthafafundur hefst eða við skráningu á fundarstað. Umboðseyðublöð verða aðgengileg á vefsíðu félagsins.
Hluthafar eiga rétt á að fá mál sett á dagskrá fundarins og leggja fram ályktunartillögur ef gerð hefur verið skrifleg eða rafræn krafa um það með nægilega miklum fyrirvara til að unnt sé að taka málið á dagskrá. Slík erindi skulu send á tölvupóstfangið . Hafi hluthafi krafist þess að fá mál tekið til meðferðar á fundinum eða lagt fram ályktunartillögu fyrir þann tíma verður endanleg dagskrá og tillögur uppfærðar á vefsíðu. Mál sem ekki hafa verið tilgreind í dagskrá hluthafafundar er ekki unnt að taka til endanlegrar úrlausnar á fundinum nema með samþykki allra hluthafa félagsins.
Aðrar upplýsingar
Endanleg dagskrá, tillögur og fundargögn verða birt eigi síðar en 8. ágúst 2025 á vefsíðu félagsins: .
Fundargögn verða einnig aðgengileg á skrifstofu félagsins, frá sama tíma, að Suðurlandsbraut 14, 108 Reykjavík, á virkum dögum milli kl. 9:00 (GMT) og 16:00 (GMT).
Komi fram einhverjar tillögur frá hluthöfum verða þær birtar eigi síðar en þremur dögum fyrir hluthafafund, ásamt uppfærðri dagskrá.
Fundargögn verða aðgengileg á fundarstað frá kl. 15:00 (GMT) á fundardegi.
Reykjavík 25. júlí 2025
Stjórn Fly Play hf.
