Hagar hf.: Nýr samningur um viðskiptavakt við Fossa fjárfestingabanka

Hagar hf. og Fossar fjárfestingabanki hf. hafa gert með sér samning um viðskiptavakt á útgefnum hlutabréfum félagsins. Samningi Haga hf. um viðskiptavakt við Íslandsbanka hf. hefur verið sagt upp.

Fossar skuldbinda sig til að setja fram, á hverjum viðskiptadegi, bæði reglubundin og fyrirsjáanleg kaup- og sölutilboð í hlutabréf félagsins í viðskiptakerfi Kauphallarinnar, bæði áður en Kauphöllin opnar og á meðan viðskipti eiga sér stað.

Fjárhæð kaup- og sölutilboða skal vera að lágmarki 200.000 kr. að nafnvirði á gengi sem Fossar  ákveða. Slíkt tilboð skal þó ekki hafa meira en 3,0% frávik frá síðasta viðskiptaverði hlutanna í Kauphöllinni. Verðbil kaup- og sölutilboða skal ákvarðað með hliðsjón af verðskrefatöflu Kauphallarinnar eins og hún er hverju sinni, á þann veg að verðbil verði sem næst 1,5% en þó ekki lægra en 1,45%. Þó skal Fossum vera heimilit að setja fram kaup- og sölutilboð með lægra verðbili en að framan greinir við sérstakar aðstæður, t.d. í tengslum við breytingar á verðskrefatöflu Kauphallarinnar.

Eigi Fossar viðskipti með hluti útgefanda innan sama viðskiptadags sem nema samtals 75.000.000 kr. að markaðsvirði eða meira, sem fram fara um veltubók Fossa (markaðsvakt bankans), falla niður framangreindar skyldur Fossa um hámarksmun kaup- og sölutilboða innan þess dags. Ef verðbreyting á hlutabréfum útgefanda innan sama viðskiptadags er umfram 5,0% er Fossum heimilt að auka hámarksverðbil í 3,0%.

Samningurinn tekur gildi 15. júlí 2023 og er ótímabundinn með 14 daga uppsagnafresti.

Samningur félagsins um viðskiptavakt við Kviku banka hf. helst óbreyttur.

Nánari upplýsingar veitir Guðrún Eva Gunnarsdóttir, framkvæmdastjóri fjármálasviðs Haga hf., í síma 530-5500.