Kvika banki hf.: Kvika gefur út almenn skuldabréf í sænskum og norskum krónum

Kvika lauk í dag sölu á almennum skuldabréfum (e. senior preferred) að fjárhæð 600 milljónum sænskra króna og 400 milljónum norskra króna. Skuldabréfin eru með gjalddaga 21. apríl 2028 og bera breytilega vexti sem nema 200 punkta álagi á þriggja mánaða millibankavexti bæði í sænskum og norskum krónum,

Skuldabréfin eru gefin út undir Euro Medium Term Note (EMTN) útgáfuramma bankans og stefnt er að töku skuldabréfanna til viðskipta á Euronext Dublin í janúar 2025.

Samhliða sölu á ofangreindum skuldabréfum bauðst Kvika til að kaupa til baka skuldabréf útgefin af bankanum annarsvegar í sænskum krónum með gjalddaga 11. maí 2026 (ISIN: XS2620969043) og í norskum krónum með gjalddaga 11. maí 2026 (ISIN: XS2620969639) á verðinu 103,50. Bankanum bárust gild tilboð að fjárhæð SEK 209 milljónir og NOK 50 milljónir og voru þau öll samþykkt.

Umsjónaraðilar viðskiptanna voru Nordea og Swedbank.

Fyrir frekari upplýsingar vinsamlegast hafið samband við fjárfestatengsl Kviku banka á netfanginu  eða í síma 540 3200.