Festi hf.: Hækkun hlutafjár vegna efnda á kaupréttarsamningum

Á fyrsta nýtingartímabili samkvæmt kaupréttaráætlun fyrir starfsmenn Festi hf. (hér eftir „Festi“ eða félagið) og dótturfélaga, sem samþykkt var á aðalfundi 6. mars 2024, bárust tilkynningar um nýtingu kaupréttar sem taka til samtals 1.048.552 hluta í félaginu á genginu 187 á hvern hlut (kaupgengi aðlagað að teknu tilliti til arðgreiðslna frá gerð kaupréttarsamninga) eða fyrir heildarfjárhæð kr. 196.079.224.

Í tengslum við uppgjörið hefur stjórn Festi samþykkt að nýta heimild sína samkvæmt 5. mgr. 5. gr. í samþykktum félagsins, til að hækka hlutafé þess í þeim tilgangi að mæta skuldbindingum samkvæmt framangreindum kaupréttarsamningnum. Hlutafé félagsins verður því hækkað um 1.048.552 hluti og mun eftir hækkun standa í kr. 312.548.552 að nafnvirði. Hver hlutur er að fjárhæð ein króna og fylgir hverjum hlut eitt atkvæði.

Hlutafjárhækkunin verður tilkynnt til og skráð af Fyrirtækjaskrá Skattsins og nýir hlutir verða gefnir út af Nasdaq verðbréfamiðstöð og óskað eftir töku þeirra til viðskipta á Aðalmarkaði Nasdaq Iceland.

Nánari upplýsingar veita Ásta S. Fjeldsted, forstjóri Festi – og Magnús Kr. Ingason, framkvæmdastjóri fjármála- og rekstrasviðs Festi – .