Reginn hf.: Helgi S. Gunnarsson forstjóri Regins hf. mun láta af störfum

Helgi S. Gunnarsson, forstjóri Regins hf. hefur óskað þess við stjórn félagsins að láta af störfum á næstu mánuðum.

Helgi hefur gegnt starfi forstjóra Regins hf. frá stofnun félagsins árið 2009.

„Við höfum unnið markvisst að uppbyggingu félagsins frá byrjun og höfum náð frábærum árangri. Reginn stendur traustum fótum og fyrst og fremst þakka ég þann árangur mikilli samheldni og stefnufestu stjórnar, stjórnenda og starfsmanna félagsins. Ég er ákaflega stoltur og ánægður yfir því að hafa fengið tækifæri til að vinna að þróun og vexti Regins síðastliðin fjórtán ár.“

Stjórn Regins hf. þakkar Helga með mikilli hlýju, þakklæti og virðingu fyrir hans framlag og vel unnin störf sem markað hafa djúp spor í farsælan rekstur félagsins.

Framundan eru nýjar áskoranir og mikilvæg verkefni sem félagið er vel í stakk búið að takast á við. Skýr framtíðarsýn og markmið hafa lagt traustan grunn sem byggt verður á eftir farsælt starf Helga sem forstjóra. 

Helgi mun, að beiðni stjórnar, sinna starfinu þar til ráðið hefur verið í stöðuna og mun m.a. sitja áfram í stjórn Klasa ehf. fyrir hönd Regins hf.