REITIR: Breyting á framkvæmdastjórn

Ingveldur Ásta Björnsdóttir, framkvæmdastjóri viðskiptavina hjá Reitum hefur óskað eftir lausn frá störfum. Ingveldur hefur starfað hjá Reitum síðan 2023. Ingveldi eru þökkuð einstaklega góð og farsæl störf fyrir Reiti og er henni óskað alls hins besta á nýjum vettvangi.

Við starfinu tekur Svana Huld Linnet og mun hún hefja störf nú í apríl hjá félaginu. Svana mun bera ábyrð á viðskiptasamböndum félagsins og leiða viðskiptaþróun, þjónustu, upplifun og fleiri þætti sem falla undir sviðið.

Svana Huld starfaði sem forstöðumaður markaðsviðskipta hjá Arion banka frá árinu 2022 en áður var hún forstöðumaður fyrirtækjaráðgjafar Landsbankans frá árinu 2019. Svana Huld starfaði í fyrirtækjaráðgjöf Arion banka frá árinu 2011. Hún hefur leitt fjölda stórra verkefna á fjármálamarkaði á undanförnum 14 árum m.a. við kaup og sölu fyrirtækja, skráningum félaga á markað og endurfjármögnun. Svana Huld starfaði þar áður hjá Exista, Kauphöllinni og sem verðbréfamiðlari hjá Búnaðarbankanum á árunum 1997-2001.

Svana Huld er viðskiptafræðingur að mennt og hefur auk þess lokið prófi í verðbréfaviðskiptum.

Guðni Aðalsteinsson, forstjóri Reita:

„Reitir hafa sett sér metnaðarfulla vaxtarstefnu þar sem aukin áhersla er lögð á þróunarverkefni, vöxt í nýjum eignaflokkum og framúrskarandi og fjölbreyttari þjónustu. Félagið hefur náð eftirtektarverðum árangri og heldur áfram að fjárfesta af krafti í nýjum verkefnum.

Ég býð Svönu Huld hjartanlega velkomna til liðs við Reiti. Reynsla hennar mun nýtast vel í áframhaldandi vexti félagsins þar sem við leggjum rækt við stóran og breiðan viðskiptavinahóp félagsins sem telur yfir 500 fyrirtæki í ólíkum geirum.

Á sama tíma og ég þakka Ingveldi kærlega fyrir sitt framlag sem framkvæmdastjóri viðskiptavina og óska henni velfarnaðar, hlakka ég til samstarfsins við Svönu Huld.“

Viðhengi