REITIR: Ákvörðun um framkvæmd endurkaupaáætlunar

Stjórn Reita hefur á grundvelli gildandi heimildar hluthafa félagsins til kaupa á eigin bréfum, tekið ákvörðun um framkvæmd nýrrar endurkaupaáætlunar um kaup á eigin bréfum og er markmið áætlunarinnar að lækka útgefið hlutafé félagsins. Áætlað er að kaupa allt að 20 milljónir hluta sem jafngildir 3,0% af útistandandi hlutafé, þó þannig að fjárhæð endurkaupanna verði aldrei meiri en 1.500 milljónir kr. Framkvæmd áætlunarinnar hefst fimmtudaginn 20. febrúar næstkomandi og mun áætlunin vera í gildi til 31. ágúst 2020.

Stjórn félagsins stefnir að framkvæmd annarrar endurkaupaáætlunar allt að svipuðu umfangi í kjölfar þeirrar sem nú er tilkynnt um. Endurkaup ársins geta því orðið umtalsvert meiri en verið hefur á síðustu árum en ráðast þó af tækifærum á markaði með atvinnuhúsnæði.

Verð fyrir hvern hlut skal að hámarki vera hæsta verð í síðustu óháðu viðskiptum eða hæsta fyrirliggjandi óháða kauptilboð í viðskiptakerfi Nasdaq á Íslandi, hvort sem er hærra. Hámarksmagn hvers viðskiptadags er 719.840 hlutir sem var fjórðungur meðalveltu janúarmánaðar 2020.

Tilkynnt verður síðar um hvaða markaðsaðili muni framkvæma endurkaupaáætlunina. Viðskipti með eigin hluti í samræmi við endurkaupaáætlunina verða tilkynnt eigi síðar en við lok sjöunda viðskiptadags eftir að viðskiptin fara fram.

Nánari upplýsingar veita Guðjón Auðunsson, forstjóri, í síma 575 9000 eða 660 3320 og Einar Þorsteinsson, fjármálastjóri, í síma 575 9000 eða 669 4416.