Síminn hf. - Hluthafafundur 26. október 2022 – Leiðrétt greinargerð með tillögu stjórnar

Vísað er til tilkynningar Símans hf. dags. 3. október 2022 þar sem boðað var til hluthafafundar þann 26. október 2022 og tilkynningar Símans hf. dags. 19. október 2022 þar sem tilkynnt var um endanlega dagskrá fundarins.

Síminn hf. vill koma á framfæri leiðréttingu við texta í greinargerð sem fylgdi með tillögu stjórnar vegna hluthafafundarins. Í greinargerðinni var greint frá því að eiginfjárhlutfall Símans hf. eftir að hafa fengið greitt kaupverð fyrir Mílu ehf. væri tæp 85% en hið rétta er að eiginfjárhlutfallið eru rúm 80%. Ennfremur var tilgreint að eiginfjárhlutfall sem tilgreint var eftir lækkun hlutafjár yrði 73% en hið rétta er að eiginfjárhlutfallið verður tæplega 69%. Leiðréttist þetta hér með.

Staða Símans er eftir sem áður sterk og eiginfjárhlutfall enn mjög hátt. Framangreind leiðrétting sem er í greinargerð hefur engin áhrif á tillöguna sjálfa.

Uppfærð greinargerð fylgir með í viðhengi.

Viðhengi