VÍS: Tilkynning um framkvæmd endurkaupaáætlunar

Á aðalfundi VÍS þann 16. mars 2023 var samþykkt að heimila stjórn að setja upp endurkaupaáætlun á næstu 12 mánuðum, fyrir allt að 10% af hlutafé félagsins. 

Stjórn VÍS hefur á grundvelli framangreindrar heimildar ákveðið að hefja framkvæmd endurkaupaáætlunar um kaup á eigin bréfum í þeim tilgangi: i) að mæta skuldbindingu vegna kaupréttarsamninga á grundvelli kaupréttaráætlunar skv. 10. gr. laga nr. 90/2003 um tekjuskatt og/eða til greiðslu kaupauka til starfsmanna skv. starfskjarastefnu og kaupaukakerfi félagsins og/eða ii) til lækkunar á hlutafé félagsins og/eða iii) sem gagngjald í viðskiptum, allt í samræmi við heimildir skv. samþykktum félagsins. Þann 19. desember 2023 barst félaginu samþykki frá Fjármálaeftirliti Seðlabanka Íslands og munu endurkaup hefjast 31. janúar nk. 

Hámarksfjöldi hluta, sem áætlunin kveður á um, er að keyptir verða allt að 30 milljón hlutir að nafnvirði, en það jafngildir 1,57% af útgefnu hlutafé félagsins, sem er nú 1.906.700.000 krónur að nafnvirði. Fjárhæð endurkaupanna verður þó aldrei hærri en 500 milljónir króna að heildarkaupverði. 

Gert er ráð fyrir að endurkaupum ljúki í síðasta lagi við lokun markaða þann 15. mars  2024 eða fyrr, ef skilyrði um hámarkskaup eru uppfyllt fyrir þá dagsetningu.    

Verð fyrir hvern hlut skal að hámarki vera hæsta verð í síðustu óháðu viðskiptum eða hæsta fyrirliggjandi óháða kauptilboð í viðskiptakerfi Nasdaq Iceland, hvort sem er hærra. Hámarksmagn hvers viðskiptadags miðast við 25% af meðaldagsveltu undangenginna 20 viðskiptadaga. Viðskipti félagsins með eigin hluti á grundvelli endurkaupaáætlunarinnar verða tilkynnt eigi síðar en við lok sjöunda viðskiptadags eftir að viðskiptin fara fram.  

Framkvæmd endurkaupaáætlunar verður í samræmi við lög um hlutafélög nr. 2/1995, 5. gr. reglugerðar Evrópuþingsins og ráðsins (ESB) um markaðssvik nr. 596/2014, sem og framselda reglugerð framkvæmdastjórnarinnar 2016/1052, samanber lög um aðgerðir gegn markaðssvikum nr. 60/2021.   

Endurkaupin verða framkvæmd af markaðsviðskiptum Arion banka sem tekur allar viðskiptaákvarðanir er varða kaup á hlutum og tímasetningu kaupanna óháð félaginu.  

Nánari upplýsingar:  

Nánari upplýsingar veitir Erla Tryggvadóttir samskiptastjóri VÍS, í síma 660-5260 og með tölvupósti á