Eik fasteignafélag hf.: Breyting á viðskiptavakt

Eik fasteignafélag hf. („Eik“ eða „félagið“) hefur endurnýjað samning sinn við Íslandsbanka hf. („Íslandsbanki“ eða „bankinn“) um viðskiptavakt á hlutabréfum útgefnum af félaginu í Kauphöll Íslands, NASDAQ OMX Iceland. Eldri samningur félagsins við bankann var frá árinu 2015.

Samningurinn kveður á um að Íslandsbanki skuli dag hvern leggja fram kaup- og sölutilboð í hlutabréf útgefin af félaginu í viðskiptakerfi Kauphallar Íslands. Fjárhæð kaup- og sölutilboða skal að lágmarki nema kr. 1.000.000 að nafnverði á gengi sem Íslandsbanki ákveður hverju sinni. Hámarksverðbil kaup- og sölutilboða Íslandsbanka skal ekki vera meira en 2%.

Tilboð skulu endurnýjuð eins fljótt og unnt er, þó ávallt innan 10 mínútna eftir að þeim er tekið að fullu eða þau felld niður af hálfu Íslandsbanka. Eigi Íslandsbanki viðskipti með bréf félagsins fyrir kr. 8.000.000 að nafnverði eða meira í sjálfvirkri pörun (e. „automatch“) innan dags, sem fer um veltubók Íslandsbanka (eigin viðskipti bankans), falla niður skyldur um hámarksverðbil kaup- og sölutilboða innan þess dags. Ef verðbreyting innan viðskiptadags er umfram 10,0% er Íslandsbanka heimilt að tvöfalda hámarksverðbil milli kaup- og sölutilboða tímabundið þann daginn.

Samningurinn er ótímabundinn og gildir frá og með 7. janúar 2020. Samningurinn er uppsegjanlegur af hálfu hvors aðila um sig með 14 daga fyrirvara.

Nánari upplýsingar veitir:

Lýður Heiðar Gunnarsson, framkvæmdastjóri fjármálasviðs, , s: 590-2209 / 820-8980