Dagskrá og tillögur fyrir aðalfund Hampiðjunnar er haldinn verður 21. mars 2025 kl. 16:00
Dagskrá:
1. Skýrsla stjórnar félagsins um starfsemina árið 2024.
2. Staðfesting ársreiknings og ráðstöfun hagnaðar reikningsársins 2024.
3. Ákvörðun um þóknun til stjórnarmanna og undirnefnda stjórnar.
4. Tillaga félagsstjórnar um starfskjarastefnu félagsins.
5. Kosning stjórnar félagsins.
a. Kosning formanns.
b. Kosning fjögurra meðstjórnenda.
6. Tillaga stjórnar um utanaðkomandi nefndarmann í endurskoðunarnefnd.
7. Kosning endurskoðunarfélags.
8. Önnur mál, löglega upp borin.
Tillögur:
Um greiðslu arðs:
Stjórn félagsins leggur til að á árinu 2025 vegna rekstrarársins 2024 verði greiddar 1,10 kr. á hlut í arð til hluthafa, eða 700 milljónir ISK. Arðurinn verði greiddur í viku 23.
Síðasti viðskiptadagur þar sem arður fylgir bréfunum er 21. mars 2025, þ.e. viðskipti sem fara fram á þeim degi koma fram í hlutaskrá félagsins á arðsréttindadeginum 25. mars.
Arðleysisdagurinn er 24. mars.
Um þóknun til stjórnarmanna:
Þóknun til stjórnarmanna verði 350.000 kr. á mánuði, formaður fái þrefaldan hlut.
Þóknun til nefndarmanna í endurskoðunarnefnd skal nema 105.000 kr. á mánuði, formaður
fái 175.000 kr. á mánuði.
Um starfskjarastefnu:
Stjórn félagsins leggur til að núverandi starfskjarastefna félagsins, sem samþykkt var á síðasta aðalfundi, muni gilda áfram með minniháttar breytingum. Starfskjarastefnan er í samræmi við 79. gr. a hlutafélagalaga nr. 2/1995.
Tillaga að starfskjarastefnu ásamt greinargerð er meðfylgjandi í viðauka.
Um utanaðkomandi nefndarmann í endurskoðunarnefnd:
Jóhann Gunnar Jóhannsson
Um endurskoðunarfélag:
PricewaterhouseCoopers ehf. verði kjörið til næsta árs.
Viðhengi
