Icelandair: Úthlutun kauprétta
Stjórn Icelandair Group hefur ákveðið að úthluta kaupréttum í samræmi við tillögu sem samþykkt var á aðalfundi félagsins þann 3. mars 2022, um að innleiða kaupréttaráætlun.
Framkvæmdastjórn félagsins og forstöðumenn, alls 51 starfsmenn, munu öðlast rétt til að kaupa allt að 385.300.000 hluti í gegnum kaupréttarsamninga, þar af mun framkvæmdastjórn öðlast rétt til að kaupa 111.000.000 hluti.
Helstu skilmálar og skilyrði samninganna eru eftirfarandi:
- Tegund: Kaupréttir.
- Þátttakendur: Framkvæmdastjórnin og forstöðumenn.
- Varðveislutími: Þrjú ár frá úthlutunardegi.
- Nýtingartímabil: Eitt ár eftir þriggja ára varðveislutímabil. Nýtingartímabil eru tvö á ári í apríl og október í 15 daga eftir birtingu viðkomandi Q1 og Q3 uppgjöra.
- Kaupréttargengi: Gengi kaupréttar verður byggt á hlutabréfaverði Icelandair Group við lokun NASDAQ Ísland á úthlutunardegi auk 3% árlegra vaxta. Gengi kaupréttar skal aðlagað fyrir framtíðararðgreiðslum sem ákveðnar eru eftir úthlutunardag.
Aðrir lykilskilmálar og skilyrði:
- Áunnin kaupréttur sem ekki er nýttur innan nýtingartímabils fellur úr gildi.
- Þátttakendur eru skuldbundnir til að halda hlutum, sem svara til hreins hagnaðar af kaupréttum (eftir skatt) þar til eftirfarandi kröfum um eignarhald er náð mælt í heildar virði hluta sem margfeldi af árlegum grunnlaunum: Forstjóri: 1x, aðrir meðlimir framkvæmdastjórnar: 0.5x. Fyrir aðra starfsmenn: 10% af keyptum hlutum.
- Kaupréttirnir eru einungis gildir ef starfsmaður er enn í starfi hjá Icelandair Group eða dótturfélögum þess á nýtingardegi. Starfskjaranefnd getur vikið frá þessu skilyrði undir ákveðnum kringumstæðum.
- Ef breyting á yfirráðum verður, í samræmi við 100. grein laga nr. 108/2007, skulu allir útistandandi kaupréttir verða virkir og hægt verður að nýta kauprétti,
- Félagið mun ekki veita nein lán eða ábyrgðir í tengslum við kaupréttaráætlunina.
- Réttindi og skyldur samkvæmt kaupréttaráætluninni er ekki heimilt að framselja til þriðja aðila.
- Félagið hefur valkost á að endurheimta, að hluta til eða í heild, hagnað sem byggir á röngum, villandi, ófullnægjandi eða röngum gögnum, eða ef viðtakandi hagaði sér í ótrúnaði varðandi önnur málefni, sem leiddi til of hárra launa eða launa sem ella hefðu ekki verið veitt.
Félagið mun gefa út ný hlutabréf eftir nýtingartímabilið sem svarar til heildarfjölda keyptra hluta. Kostnaður félagsins af kaupréttaráætluninni er áætlaður vera um USD 1,1 milljón yfir næstu 3 ár byggt á Black-Scholes líkaninu. Heildarfjöldi veittra kaupréttinda samsvarar til 0,94% af heildarútgefnu hlutafé.
Upplýsingar um kauprétti sem veittir hafa verið til framkvæmdastjórnar Icelandair:
| Name | Position | Stock options granted | Stock options previously granted | Shares owned | Shares owned by financially related parties |
| Bogi Nils Bogason | President & CEO | 22,100,000 | 22,100,000 | 0 | 23,625,000 |
| Árni Hermannsson | M.D Aircraft Leasing and Consulting | 12,700,000 | 12,700,000 | 100,000 | 7,500,000 |
| Elísabet Helgadóttir | Chief Human Resources Officer | 12,700,000 | 12,700,000 | 0 | 8,666,667 |
| Einar Már Guðmundsson | M.D Air Freight and Logistics | 12,700,000 | 5,500,000 | 1,750,000 | 0 |
| Ívar S. Kristinsson | Chief Financial Officer | 12,700,000 | 12,700,000 | 4,250,000 | 0 |
| Rakel Óttarsdóttir | Chief Digital Officer | 12,700,000 | 12,700,000 | 2,500,000 | 0 |
| Sylvía Ólafsdóttir | Chief Customer Officer | 12,700,000 | 12,700,000 | 250,000 | 0 |
| Tómas Ingason | Chief Revenue Officer | 12,700,000 | 12,700,000 | 57,405 | 7,500,000 |
Nánari upplýsingar
Fjárfestar: Íris Hulda Þórisdóttir, Forstöðumaður Fjárfestatengsla. Netfang: Media: Ásdís Pétursdóttir, Forstöðumaður Samskipta og sjálfbærni. Netfang:
Viðhengi
