REITIR: Stækkun á skuldabréfaflokkunum REITIR150535 og REITIR150537
Reitir fasteignafélag hf. hefur lokið sölu á skuldabréfum í skuldabréfaflokkunum REITIR150535 og REITIR150537.
REITIR150535 er verðtryggður skuldabréfaflokkur sem er veðtryggður með almenna tryggingafyrirkomulagi félagsins. Flokkurinn er með lokagjalddaga 15. maí 2035 en endurgreiðsluferli höfuðstóls fylgir 30 ára greiðsluferli með jöfnum afborgunum fram til lokagjalddaga, þegar allar eftirstöðvar greiðast í einni greiðslu. Greiðslur vaxta og afborgana höfuðstóls fara fram á tveggja mánaða fresti.
Seld voru skuldabréf að nafnverði 2.000 m.kr. á ávöxtunarkröfunni 4,08%. Áður hafa verið gefin út skuldabréf í flokknum að nafnvirði 8.398 m.kr. og verður því flokkurinn eftir stækkunina samtals 10.398 m.kr. að nafnvirði.
REITIR150537 er verðtryggður skuldabréfaflokkur sem er veðtryggður með almenna tryggingafyrirkomulagi félagsins. Flokkurinn er með lokagjalddaga 15. maí 2037 en endurgreiðsluferli höfuðstóls fylgir 30 ára greiðsluferli með jöfnum afborgunum. Greiðslur vaxta og afborgana höfuðstóls fara fram á tveggja mánaða fresti.
Seld voru skuldabréf að nafnverði 2.000 m.kr. á ávöxtunarkröfunni 4,01%. Áður hafa verið gefin út skuldabréf í flokknum að nafnvirði 7.690 m.kr. og verður því flokkurinn eftir stækkunina samtals 9.690 m.kr. að nafnvirði.
Stefnt er að uppgjöri viðskiptanna miðvikudaginn 2. apríl nk. og verður óskað eftir því að nýju bréfin verði tekin til viðskipta á Aðalmarkaði Nasdaq Iceland í kjölfarið.
Grunnlýsing félagsins, endanlegir skilmálar og önnur skjöl er varða útgáfu framangreindra skuldabréfa verða birt á vefsíðu félagsins, reitir.is/fjarfestar. Tilkynningar sem Reitir fasteignafélag hf. birtir í tengslum við viðvarandi upplýsingaskyldu frá birtingu grunnlýsingar má jafnframt nálgast á vefsíðu félagsins.
Fossar fjárfestingarbanki hafði umsjón með sölu skuldabréfanna sem og töku þeirra til viðskipta á Aðalmarkaði Nasdaq Iceland.
Nánari upplýsingar veita:
Einar Þorsteinsson, fjármálastjóri, netfang: , sími 669 4416 og
Arnar Geir Sæmundsson, Markaðsviðskipti, Fossar fjárfestingarbanki, netfang: , sími 832 4066.
