Síminn hf. - Upplýsingar um framgang kaupa Ardian France SA á Mílu ehf. af Símanum hf.

Vísað er til tilkynningar Símans hf. („Síminn“) dags. 23. október 2021 þar sem fram kom að Síminn og Ardian France SA („Ardian“) hefðu undirritað kaupsamning um kaup og sölu 100% hlutafjár í Mílu ehf. („Míla“) með hefðbundnum fyrirvara um samþykki Samkeppniseftirlitsins. Einnig vísast til tilkynningar Símans þann 22. júlí 2022 um samkomulag um breytingar á kaupsamningi milli Símans og Ardian og tilkynninga Símans þann 9. júlí 2022 og 17. júlí 2022 þar sem greint var frá framgangi hinna fyrirhuguðu viðskipta.

Eins og fram kom í tilkynningu Símans þann 9. júlí sl. hafði Samkeppniseftirlitið frest til að ljúka rannsókn málsins til 18. ágúst nk. Ardian hefur upplýst Símann um að Ardian hafi óskað eftir að frestur Samkeppniseftirlitsins til að ljúka rannsókn málsins verði framlengdur um 20 virka daga og hefur Samkeppniseftirlitið samþykkt þá beðini. Hefur frestur Samkeppniseftirlitsins því verið framlengdur til 8. september nk.

Síminn mun upplýsa um leið og markverðar fréttir í málinu berast.

Nánari upplýsingar veitir Orri Hauksson ( ).