Síminn hf. - Upplýsingar um framgang kaupa Ardian France SA á Mílu ehf. af Símanum hf.

Vísað er til tilkynningar Símans dags. 23. október 2021 þar sem fram kom að Síminn hf. („Síminn“) og Ardian France SA („Ardian“) hefðu undirritað kaupsamning um 100% hlutafjár í Mílu með hefðbundnum fyrirvara um samþykki Samkeppniseftirlitsins. Hefur Samkeppniseftirlitið verið með yfirtökuna til rannsóknar frá 8. febrúar 2022 og hefði fresti Samkeppniseftirlitsins til þess að ljúka rannsókninni átt að ljúka 27. júlí 2022.

Eins og fram kom í tilkynningu Símans hf. dags. 5. júlí 2022 hafði andmælaskjal borist frá Samkeppniseftirlitinu. Ardian hefur upplýst Símann um að Ardian hafi óskað eftir sáttarviðræðum við Samkeppniseftirlitið og þar með hefur frestur Samkeppniseftirlitsins til þess að ljúka rannsókn málsins frestast til 18. ágúst nk.

Síminn mun upplýsa um leið og markverðar fréttir í málinu berast.

Nánari upplýsingar veitir Orri Hauksson ( ).