Kaldalón hf.: Tilkynning um framkvæmd endurkaupaáætlunar

Aðalfundur Kaldalóns hf. („Kaldalón“ eða „félagið“) sem haldinn var þann 26. mars 2026 samþykkti að heimila stjórn félagsins að kaupa hluti í félaginu þannig að félagið, að öðrum lagaskilyrðum uppfylltum, eigi allt að 10% af hlutafé þess í þeim tilgangi að koma á viðskiptavakt með hluti í félaginu og/eða til að setja upp formlega endurkaupaáætlun í samræmi við ákvæði 5. gr. reglugerðar Evrópuþingsins og ráðsins (ESB) um markaðssvik nr. 596/2014, sem og framselda reglugerð framkvæmdastjórnarinnar 2016/1052, samanber lög um aðgerðir gegn markaðssvikum nr. 60/2021. Heimild aðalfundarins gildir til 30. júní 2027.

Á grundvelli framangreindrar samþykktar aðalfundar Kaldalóns hefur stjórn félagsins ákveðið að nýta hluta framangreindrar heimildar og koma á endurkaupaáætlun um framkvæmd kaupa á hlutum í þeim tilgangi að lækka útgefið hlutafé félagsins. Áætlað er að kaupa allt að 10.000.000 hluti sem samsvarar 0,92% af útgefnum hlutum, þó þannig að fjárhæð endurkaupanna nemi ekki hærri fjárhæð en kr. 250.000.000. Framkvæmd áætlunarinnar hefst þriðjudaginn 31. mars 2026 og mun áætlun vera í gildi þar til öðru hvoru framangreindra viðmiða um magn eða fjárhæð er náð, en þó ekki lengur en til 30. júní 2026.

Í dag á Kaldalón 24.291.818 eigin hluti sem nemur 2,24% af útgefnum hlutum félagsins. Aðalfundur félagsins hinn 26. mars 2026 samþykkti að lækka hlutafé félagsins sem nemur framangreindum hlutum með niðurfellingu eigin hluta félagsins og er sú lækkun komin í framkvæmd.

Íslandsbanki hf. mun hafa umsjón með framkvæmd endurkaupaáætlunarinnar og taka allar viðskiptaákvarðanir er varða kaup á hlutum og tímasetningu kaupanna óháð félaginu.  Kaldalón hefur heimild til að lækka það heildarkaupverð sem Íslandsbanki skal kaupa fyrir eða til að stöðva framkvæmd endurkaupaáætlunarinnar hvenær sem er fyrrgreindu tímabili.

Verð fyrir hvern hlut skal að hámarki vera hæsta verð í síðustu óháðu viðskiptum eða hæsta fyrirliggjandi óháða kauptilboð í viðskiptakerfi Nasdaq á Íslandi, hvort sem er hærra. Kaupin verða framkvæmd í áföngum, þó þannig að kaup hvers dags verða að hámarki 25% af meðaltali daglegra viðskipta með hlutabréf Kaldalóns í kauphöll á síðustu 20 viðskiptadögum fyrir kaupdag, sbr. 3. mgr. 3 gr. framseldrar reglugerðar framkvæmdastjórnar (EBS) nr. 2016/1052. Íslandsbanki hf. mun annast útreikning á meðaltali daglegra viðskipta og bera ábyrgð á að framkvæmd endurkaupanna fari ekki yfir leyfilegt hámark.  

Endurkaupaáætlunin verður framkvæmd í samræmi við lög og reglur á Íslandi eins og við á, þar með talið reglugerð Evrópuþingsins og ráðsins (ESB) um markaðssvik („MAR“) og ákvæði framseldar reglugerðar framkvæmdastjórnar Evrópusambandsins nr. 2016/1052, sem og íslensk lög um hlutafélög nr. 2/1995, lög nr. 60/2021 um aðgerðir gegn markaðssvikum auk reglna nr. 1290/2025 um sama efni.

Viðskipti félagsins með eigin hluti í samræmi við endurkaupaáætlunina verða tilkynnt í samræmi við lög og reglugerðir.

Nánari upplýsingar veitir

Jón Þór Gunnarsson, forstjóri