SKEL fjárfestingafélag hf.: Sölutrygging vegna áskriftar að nýju hlutafé í samstæðu Orkunnar og Samkaupa

Vísað er til fréttatilkynningar dags. 3. júní 2025, þar sem fram kom að tiltekin skilyrði samkvæmt kaupsamningi hefðu verið uppfyllt vegna kaupa Orkunnar IS ehf. („Orkan“), á öllum hlutum Kaupfélags Suðurnesja („KSK“) í Samkaupum, að nafnvirði 221.386.719 kr. eða því sem nemur 51,3% hlutafjár Samkaupa.

Í tilkynningunni kom m.a. fram að Orkan hefði undirritað kaupsamninga við aðra hluthafa Samkaupa um kaup á öllum hlutum þeirra í félaginu á sömu kjörum og viðskiptin við KSK fara fram á. Við uppgjör viðskiptanna yrði Orkan eigandi að um 96% af útgefnu hlutafé í Samkaupum. Í kjölfar framangreindrar tilkynningarinnar hefur Orkan gengið frá kaupsamningi við annan hluthafa og verður því eigandi að ríflega 98,5% hlut í félaginu. 

Í dag var svo komist að samkomulagi við Íslandsbanka um að bankinn veiti sölutryggingu um áskrift að nýju hlutafé í Orkunni (eða nýju móðurfélagi samstæðu) að verðmæti a.m.k. 2.000 m.kr. sem skal nýtt til að efla fjárhagsstöðu Samkaupa. Sölutryggingin mun gilda í 180 daga sem er unnt að nýta til að kynna nýja samstæðu fyrir fjárfestum. Endanlegri skjalagerð skal lokið fyrir 1. júlí nk.

Nú eru öll skilyrði kaupsamninga Orkunnar við hluthafa Samkaupa uppfyllt að undanskildu því að Samkeppniseftirlitið samþykki að í viðskiptunum felist ekki samruni sem beri að ógilda eða setja skilyrði fyrir samkvæmt 17. gr. samkeppnislaga nr. 44/2005. Samrunatilkynning hefur verið send en bíður staðfestingar.

Frekari upplýsingar veitir Ásgeir Helgi Reykfjörð Gylfason,